Gutom lang 'yan!

Ako’y isang makata
nangahas gumawa ng tula.

Sa karton, isinatinta
ang pangarap sa pagkabata,
at naghanap ng kalinga
mula sa matatalinghagang salita.

Sa bawat taludtod hinulma
ang kalansing ng barya.
At saka, itinugma
sa kalam ng sikmura.

Kami’y mga makata ng lansangan na lumilikha
ng tula ng pakikibaka.
Kami’y mga pulubi na nililikha
ng pailalim na salita.


Larawan mula sa: httpfarm4.static.flickr.com33473299674549_3cef13ed9b.jpg